Siddiqə Rza qızı Qədimova 1912-ci ildə İrəvan şəhərində anadan olmuşdur. O, İrəvanda azərbaycanlı məktəbinin 5-ci sinfini bitirdikdən sonra, 1926-cı ildə Bakı Pedaqoji Texnikumunda təhsil almağa göndərilmişdir. Təhsilini başa vurduqdan sonra bir müddət Ordubadda müəllim kimi fəaliyyət göstərmişdir. Burada bir neçə il işlədikdən sonra pedaqoji fəaliyyətini davam etdirmişdir.

Siddiqə Qədimova 1930-cu illərdən başlayaraq ömrünü Qərbi Azərbaycan mətbuatı və radiosuna həsr etmişdir. 1937-ci ildə İrəvanda Azərbaycan dilində nəşr olunan “Kommunist” qəzetində çalışmağa başlamış, daha sonra “Sovet Ermənistanı” qəzetində jurnalist və tərcüməçi kimi fəaliyyət göstərmişdir. 1949-cu ildən etibarən pedaqoji fəaliyyətinə davam edən Siddiqə Qədimova 1950-ci ildə Qərbi Azərbaycandan SSRİ Ali Sovetinə deputat seçilmişdir. 1970-ci ildən Qərbi Azərbaycanda Azərbaycan dilində radionun redaksiyasında böyük redaktor kimi çalışmışdır. 

Siddiqə Qədimova təkcə jurnalistika ilə deyil, bədii tərcümə sənəti ilə də məşğul olmuş, bir sıra əsərləri Azərbaycan dilinə tərcümə etmişdir. Onun bir tərcüməsi Cəfər Cabbarlı adına İrəvan Azərbaycan Dövlət Dram Teatrında səhnələşdirilmişdir. Siddiqə Qədimova SSRİ Jurnalistlər İttifaqının üzvü olmuş və “Əməkdar jurnalist” fəxri adına layiq görülmüşdür. Fəaliyyəti boyunca bir çox fəxri fərman və medallarla təltif edilmişdir.

Siddiqə Rza qızı Qədimova 1986-cı ildə vəfat etmişdir. 

Mənbə:
Cəlal Allahverdiyev. Qərbi Azərbaycan mətbuatı tarixi. Bakı: Səda. 2024