Əlikənd – keçmiş İrəvan quberniyasının Novo-Bəyazid qəzasında, sonralar keçmiş Qaranlıq (Martuni) rayonunun, hazırkı Geğarkunik vilayətinin ərazisində mövcud olmuş kənd. 1728-ci il “İrəvan əyalətinin icmal dəfləri”də bu qədim türk yurdu “Bəd Əlinin kəndi” kimi təsniflənir.

1826–1828-ci illər Rusiya–İran müharibəsi zamanı törədilən qırğınlar və ermənilərin bölgədə məskunlaşdırılmalarından sonra azərbaycanlılar kəndi tərk etmişlər. Hazırda xarabalıqdır.

Toponim Əli şəxs adı ilə “kənd” sözünün birləşməsindən əmələ gəlmişdir.